Deprecated: preg_replace(): The /e modifier is deprecated, use preg_replace_callback instead in /home/skolaxxi/public_html/engine/classes/rss.class.php on line 51 Deprecated: preg_replace(): The /e modifier is deprecated, use preg_replace_callback instead in /home/skolaxxi/public_html/engine/classes/templates.class.php on line 68 Deprecated: preg_replace(): The /e modifier is deprecated, use preg_replace_callback instead in /home/skolaxxi/public_html/engine/classes/templates.class.php on line 72 Deprecated: preg_replace(): The /e modifier is deprecated, use preg_replace_callback instead in /home/skolaxxi/public_html/engine/modules/show.full.php on line 308 Deprecated: preg_replace(): The /e modifier is deprecated, use preg_replace_callback instead in /home/skolaxxi/public_html/engine/classes/templates.class.php on line 77 შინაგანაწესი » შპს სკოლა XXI საუკუნე
ბიბლიოთეკა
საკლასო ოთახი
საკლასო ოთახი
საკლასო ოთახი

შინაგანაწესი

შპს სკოლა XXI საუკუნე
შინაგანაწესი



ქ. ქუთაისის შპს სკოლა XXI საუკუნე
შინაგანაწესი
2016-2017
განხილულია და დამტკიცებულია 3 08№ 1 პედაგოგიური საბჭოს სხდომაზე
თავი 1
ზოგადი დებულებანი
მუხლი1. შინაგანაწესი და მისი მიზნები.
შინაგანაწესი შედგენილია საქართველოს კონსტიტუციის, საქართველოს კანონის “ზოგადი განათლების შესახებ“,საქართველოს შრომის კოდექსის, სკოლის დირექტორის ეთიკის კოდექსის,მასწავლებლის პროფესიული ეთიკის კოდექსის, პედაგოგის პროფესიული სტანდარტის, მოსწავლის ქცევის კოდექსის, შპს სკოლა XXI საუკუნის წესდებისა და სხვა სამართლებრივი აქტების საფუძველზე.
ქ. ქუთაისის შპს სკოლა XXI საუკუნის სკოლის შინაგანაწესი მიზნად ისახავს:
• შრომის დისციპლინის დაცვის უზრუნველყოფას;
• შრომის სწორ ორგანიზაციას;
• სამუშაო დროის, ადამიანური და მატერიალური რესურსის სრულ და რაციონალურ გამოყენებას;
• თანამშრომელთა, მოსწავლეთა, მშობელთა უფლებებისა და მოვალეობების განხორციელების ხელშეწყობას;მათთვის უსაფრთხო და ჯანსაღი პირობების შექმნას.
• შრომის სამართლიან ანაზღაურებას;
• სკოლაში ეთიკური ნორმების დაცვის უზრუნველყოფას.
მუხლი 2. შინაგანაწესის მოქმედების სფერო:

1. შინაგანაწესის მოქმედება ვრცელდება სკოლაში დასაქმებულ ნებისმიერ პირზე, მიუხედავად მისი თანამდებობრივი მდგომარეობისა; სკოლის მოსწავლეებზე;სკოლის ტერიტირიაზე მყოფ მოსწავლეთა მშობლებზე(კანონიერ წარმომადგენლებზე) , მათ გაერთიანებებსა და გარეშე პირებზე.
2. სკოლაში შრომითი ურთიერთობების საფუძველზე, დასაქმებული პირები არიან მას-წავლებლები ,ადმინისტრაციული პერსონალი და დამხმარე პერსონალი(შემდგომში თანამშრომლები)
3. სკოლის ყველა თანამშრომელი, მოსწავლე და მოსწავლის მშობელი ვალდებულია დაიცვას შინაგანაწესი.
4. შინაგანაწესის მოთხოვნათა შეუსრულებლობა იწვევს შესაბამის პასუხისმგებლობას.




თავი 2. სკოლის სტრუქტურა და საქმიანობა.
მუხლი 3. სკოლის ორგანიზაციული-სამართლებრივი ფორმა, მართვისა და საზოგადოებრივ-საკონსულტაციო ორგანოები.
• სკოლა დეპოლიტიზებული საზოგადოებაა. მასში იკრძალება რომელიმე პარტიის ან საზოგადოებრივი ორგანიზაციის ფუნქციონირება და მათი პროგრამების აგიტაცია.
1. სკოლაში ყალიბდება სკოლის ორგანიზაციული ინფრასტრუქტურა, რომელიც მოიცავს თანამშრომელთა შტატებს, სკოლის მართვის ორგანოებს.
2. დამფუძნებელთან და დამფინანსებელთან შეთანხმებით, დირექტორის გადაწყვეტილებით შტატები და თანამშრომელთა რაოდენობა შეიძლება შეიცვალოს.
3. სკოლის პედაგოგები და ადმინისტრაციის წევრები სამუშაოზე მიიღებიან შერჩევის წესით გასაუბრებით 1 წლის ვადით. ნებისმიერი ვაკანსიის შემთხვევაში შერჩევას სკოლის დირექტორი ახორციელებს დამფუძნებელთან შეთანხმებით, რაზეც დირექტორი გამოსცემს ბრძანებას.
4. სამუშაოზე მიღებისას მოქალაქეს მოეთხოვება:
CV
შრომის წიგნაკი
განათლების დამადასტურებელი დოკუმენტის ასლი
პირადობის მოწმობის ასლი
ფოტოსურათი 3X4
სხვა დამატებითი დოკუმენტები ( სერტიფიკატები,დიპლომები და სხვა) თუ ასეთი მოეპოვება.
5. ახალ თანამშრომელს დირექტორი აცნობს შინაგანაწესს, აფორმებს ვადიან ხელშეკრულებას და გამოსცემს ბრძანებას თანამდებობაზე მისი დანიშვნის თაობაზე.
6. ყოველ თანამშრომელზე დგება პირადი საქმე,რომელშიც ინახება მის მიერ სამუშაოზე მიღებისას წარმოდგენილი დოკუმენტები.
7. თანამშრომელთა სამუშაოდან გათავისუფლების საკითხს, არსებული კანონმდებლობის ფარგლებში წყვეტს სკოლის დირექტორი დამფუძნებელთან ერთად, რისთვისაც გამოსცემს სათანადო ბრძანებას. ხელშეკრულების მოშლის საფუძველი შეიძლება გახდეს შინაგანაწესის დარღვევა, პირადი განცხადება.
8. თანამშრომელი აუცილებლად თავისუფლდება სამუშაოდან ხელშეკრულების ვადის გასვლისას. მისი მუშაობის გაგრძელების შესახებ გადაწყვეტილებას იღებს დირექტორი დამფუძნებელთან ერთად.
1. პედაგოგიური საბჭო:
ა) შეიმუშავებს რეკომენდაციებს სკოლის საგანმანათლებლო საქმიანობასთან დაკავშირებით;
ბ) აჯამებს სემესტრულ და წლიურ შედეგებს;
გ) პედ,საბჭოს სხდომაზე დასწრება სავალდებულოა მისი წევრებისათვის;
დ) პედ. საბჭო უფლებამოსილია, თუ მას ესწრება წევრთა 2/3 მაინც. გადაწყვეტილებები მიიღება დამსწრეთა ხმათა უმრავლესობით, კენისყრის ფორმით. ხმათა თანხვედრის შემთხვევაში უპირატესობა ენიჭება თავჯდომარის ხმას.
ე) სასწავლო სააღმზრდელო პროცესის ხელშეწყობის მიზნით, პედსაბჭოს გადაწყვეტილებით იქმნება საგნობრივი კათედრები. პედ. საბჭო საზღვრავს მათ რაოდენობას.
ვ) პედ. საბჭო განიხილავს და ამტკიცებს შინაგანაწესს და სასკოლო სასწავლო გეგმას.


2. სკოლის დირექტორი:
ა) სკოლის საერთო საქმიანობას წარმართავს მოქმედი კანონმდებლობის შესაბამისად;
ბ) უზრუნველყოფს ადამიანური, მატერიალური და ფინანსური რესურსების ოპტიმალურ გამოყენებას სკოლის მისიისა და ე. ს. გ-ს შესასრულებლად.
გ) აკონტროლებს შინაგანაწესის დაცვას ,სწავლასა და სწავლების ხარისხს;
დ) ანგარიშვალდებულია დამფუძნებლის წინაშე.
3. სკოლის დირექტორის მოადგილე:
ა) ხელმძღვანელობს სასწავლო პროცესს;
ბ) სკოლის დირექტორთან ერთად უზრუნველყოფს სასკოლო სასწავლო გეგმის შესრულებას.
გ) სკოლის დირექტორთან ერთად შეიმუშავებს მასწავლებელთა საათობრივი დატვი-რთვის გეგმას.
დ) კურირებს კათედრების მუშაობას;
ე) სკოლის დირექტორთან ერთად უზრუნველყოფს მასწავლებელთა კვალიფიკაციის ასამაღლებლად ღონისძიებების გატარებას.
4. საქმის მწარმოებელი;
ა) აწარმოებს სკოლის საქმეებს საქმის წარმოების წესის მიხედვით;
ბ) სკოლის დირექტორის ნებართვით გასცემს საკანცელარიო დოკუმენტებს, ასლებს და აღრიცხავს მათ;
გ) ჩაბარებული აქვს ტიტულიანი ფურცლები და პასუხისმგებელია მათ გაცემაზე.
5. სკოლის ბუღალტერი
ა) თავის საქმიანობას წარმართავს მოქმედი კანონმდებლობის შესაბამისად;
ბ) სკოლის დირექტორთან ერთად ადგენს საშტატო განრიგს, პედაგოგთა სატარიფო სიას, ბალანსს.
გ) მონაწილეობს სტრატეგიული გეგმის შემუშავებაში;
დ) პასუხისმგებელია საბუღალტრო დოკუმენთაციის წარმოებაზე, შესაბამის ორგანოებში მათ დროულად წარდგენასა და ფინანსების სწორ ხარჯვაზე;
ე) ანგარიშვალდებულია სკოლის დირექტორისა და დამფუძნებლის წინაშე.
6. სკოლის ექთანი:
ა) ატარებს ყოველდღიურ რეიდებს კლასების, დერეფნებისა და სველი წერტილების სისუფთავის შემოწმების მიზნით;
ბ) სისტემატურად აღრიცხავს სკოლის სანიტარულ - ჰიგიენური მდგომარეობას სპეციალურ ჟურნალში;
გ) ატარებს საუბრებს მოსწავლეებთან აქტუალურ თემებზე;
დ) უწევს პირველად დახმარებას ამბულატორიულ ავადმყოფებს;
ე) უზრუნველყოფს სასწავლო წლის დასაწყისში კაბინეტს მედიკამენტებითა და სხვა მასალით აღჭურვას;
ვ) აღრიცხავს და მეთვალყურეობას უწევს ავადმყოფ მოსწავლეებს( დიაბეტი, ეპილეფსია, დაქვეითებული მხედველობა. . . ) ;
ზ) ამყარებს რეგულარულ კონტაქტს კლასის ხელმძღვანელებთან, ავადმყოფი ბავშვების მშობლებთან;
თ) ინახავს ყველა წამალს თავის ორიგინალ ყუთში სათანადო წესის დაცვით;
ი) იმ შემთხვევაში, თუ მოსწავლე სწავლის პერიოდში იღებს ექიმის მიერ დანიშნულ წამალს, სკოლის ექთანი ვალდებულია, აკონტროლოს წამლის მიღების პროცესი;
7. სკოლის ბიბლიოთეკარი:
ა) ახორციელებს თავის საქმიანობას, უზრუნველყოფს და აკონტროლებს სკოლის წინაშე არსებული ამოცანების და ფუნქციების შესრულებას.
ბ) ზრუნავს იმ სასწავლო-მეთოდურ თუ მხატვრული ლიტერატურის მოვლაზე, რომელიც სკოლის ბიბლიოთეკის განკარგულებაშია.
გ) ეხმარება მოსწავლეებს ინტერესებისა და საჭიროების შესაბამისად წასაკითხი მასალის შერჩევაში.
დ) ქმნის კომპიუტერულ კატალოგს.
ე) აწყობს აქტიურ მკითხველთა დაფას, აწარმოებს შთაბეჭდილებების წიგნს.
ვ) აწარმოებს მოსწავლეთა მიერ წიგნების გატანისა და დაბრუნების აღრიცხვას.
ზ) უზრუნველყოფს მოსწავლისა და პერსონალისათვის საბიბლიოთეკო ასლმგადამღებით, პრინტერით და სკანერით მომსახურებას.
8. კლასის დამრიგებელი
ა) დამრიგებელი ინიშნება ან/და თავისუფლდება სკოლის დირექტორის ბრძანებით;
ბ) დამრიგებლად დანიშვნის ბრძანების განახლება ხდება ყოველი ახალი სასწავლო წლის დასაწყისში;
გ) დამრიგებელს დამატებით შეიძლება მიეცეს ანაზღაურება, რომლისი ოდენობა დამოკიდებულია სკოლის ბიუჯეტის შესაძლებლობებზე და მას ყოველი სასწავლო წლის დამდეგისათვის აწესებს სკოლის დირექტორი დამფუძნებელთან შეთანხმებით;
დ) დამრიგებელი ვალდებულია სკოლაში გამოცხადდეს პირველი გაკვეთილის დაწყებამდე 10 წუთით ადრე. გაკვეთილების დასრულებისას გააცილოს თავისი კლასი.
ე) დამრიგებელი ვალდებულია ქონდეს ინდივიდუალური სადამრიგებლო კალენდარული გეგმა, რომელიც დამტკიცებული იქნება დირექტორის მოადგილის მიერ;
ვ) დამრიგებელი პასუხისმგებელია მოსწავლეთა პირადი საქმეების წარმოებაზე, სასწავლო წლის ბოლოს თითოეულ მოსწავლეზე ინდივიდუალურად უნდა შეადგინოს აკადემიური მოსწრების, გაკვეთილებზე დასწრებისა და ქცევის დახასიათება-ანალიზი;
ზ) დამრიგებელი ვალდებულია ყოველდღიურად შეამოწმოს მოსწავლეთა გაკვეთილებზე დასწრება, კვირის ბოლოს კი მოახდინოს საპატიო და არასაპატიო გაცდენების დაჯამება და ასახვა საკლასო ჟურნალში, ასევე ვალდებულია ყოველი სემესტრის ბოლოს დააჯამოს თითოეულ მოსწავლეზე გაცდენების ოდენობა (საპატიო/არასაპატიო) და აკადემიური მოსწრების შედეგი და მოახდინოს შესაბამისი რეაგირება. ჟურნალი წარმოადგენს სავალდებულო აღრიცხვის დოკუმენტს და დამრიგებელი პირადად არის პასუხისმგებელი მის მოვლა–შენახვაზე. დამრიგებელს კატეგორიულად ეკრძალება საკლასო აღრიცხვის ჟურნალში არასანქცირებული ჩანაწერების (ნიშნების გადასწორება, ჩამატება, არების დაჯამებისას მონაცემების შეცვლა) გაკეთება;
თ) დამრიგებელი ვალდებულია საჭიროების შემთხვევაში მოსწავლესთან ჩაატაროს
ინდივიდუალური სააღმზრდელო ღონისძიება, ვალდებულია იყოს შუამავალი, მოსწავლესა და პედაგოგს ან მოსწავლეებს შორის წარმოშობილი პრობლემის მოგვარების საქმეში. მოსწავლის მხრიდან დისციპლინარული გადაცდომის გამეორების შემთხვევაში, დამრიგებელი ვალდებულია მოხსენებით ბარათი წარადგინოს დირექციის სახელზე.
ი) დამრიგებელი ვალდებულია მინიმუმ თვეში ერთი დღე გამოყოს მშობლებთან
შეხვედრებისათვის. მშობელთან ინდივიდუალური საუბრის დროს ყოვლად
დაუშვებელია და დამრიგებელს კატეგორიულად ეკრძალება სხვა მოსწავლის აკადემიური მოსწრებისა თუ ყოფაქცევის შესახებ საუბარი;
კ) სასწავლო პროცესის მსვლელობისას, მოსწავლის გათავისუფლების შემთხვევაში (შეუძლოდ ყოფნა ან სხვა რამ) , დამრიგებელი ვალდებულია გაეცნოს მოსწავლის მეცადინეობიდან დათხოვნის მიზეზს, რაც აუცილებლად უნდა იყოს ასახული მოსწავლის მიერ წარმოდგენილ განცხადებაში, წინააღმდეგ შემთხვევაში დამრიგებელს უფლება არა აქვს თანხმობა მისცეს მოსწავლეს გათავისუფლებაზე. დამრიგებელი პირადად არის პასუხისმგებელი გათავისუფლებული მოსწავლის შემდგომ ქმედებებზე;
ლ) დამრიგებელი ვალდებულია ყურადღება მიაქციოს საკლასო ოთახის სისუფთავეს, სადამრიგებლო კლასში შემოღებული უნდა ჰქონდეს მოსწავლეთა მორიგეობის განრიგი და ეხმარებოდეს მოსწავლეებს გაკვეთილების დამთავრების შემდეგ საკლასო ოთახის მოწესრიგებაში;
მ) დამრიგებელს კატეგორიულად ეკრძალება სადამრიგებლო კლასის უყურადრებოდ დატოვება;
ნ) დამრიგებელს კატეგორიულად ეკრძალება სასწავლო პროცესის პოლიტიზირება;
ო) დამრიგებელს, რომელიც ჯეროვნად არ შეასრულებს მოვალეობას, ჩამოერთმევა სადამრიგებლო კლასი და მისი საკითხი განსახილველად გადაეცემა პედაგოგიურ საბჭოს.
პ) დამრიგებელი, სასწავლო წლის დასასრულისთვის ვალდებულია მუშაობის ანგარიში წარუდგინოს პედაგოგიურ საბჭოს;

9. კათედრები და კათედრის თავმჯდომარის ფუნქციები:
კათედრის თავჯდომარეს ევალება:
ა) შეხვედრების ორგანიზება (დღის წესრიგის მომზადება, ოქმებისა და საბუთების წარმოება);
ბ) საგნობრივი ჯგუფის გადაწყვეტილების მიწოდება დირექციისათვის (მაგ. სახელმძღ.
შერჩევა) ;
გ) პროფესიული განვითარებისათვის სასარგებლო ღონისძიებების ორგანიზება (ტრენინგები, კონფერენციების მოწყობა, სტუმრების მოწვევა და სხვა);
დ) კათედრის ხელმძღვანელის ანაზღაურება (დამატებითი სარგო) დამოკიდებულია სკოლის ბიუჯეტზე და მისი დაწესების საკითხს დამფუძნებლებთან შეთანხმებით წყვეტს სკოლის დირექტორი;
ე) სასწავლო წლის დასასრულისათვის კათედრის ხელმძღვანელი მუშაობის ანგარიშს წარუდგენს სკოლის დირექტორს
კათედრის მუშაობა:
ა) კათედრა ვალდებულია ქონდეს სამუშაო გეგმა (გაწერილი ვადებში სემესტრების მიხედვით), რომელიც შეთანხმებული უნდა იყოს სასწავლო დარგში დირექტორის მოადგილესთან; კათედრის სამუშაო გეგმას ამტკიცებს სკოლის დირექტორი;
ბ) საგნობრივი კათედრები ვალდებულნი არიან შეიმუშავონ და საშემსრულებლო ვადებში გაწერონ, მოსწავლეთა აკადემიური მოსწრების პერიოდულ მონიტორინგი; ღია გაკვეთილების, შიდა სასკოლო წერის, ტესტირებისა თუ კლასიდან კლასში გადასაყვანი გამოცდების სახით;
გ) კათედრები საათების განაწილებას ახდენენ დირექციასთან შეთანხმებით, დასამტკიცებლად წარუდგენენ პედაგოგიურ საბჭოს;
10. სკოლის დამლაგებელი ვალდებულია:
ა) ყოველდღიურად დაალაგოს მასზე გაპიროვნებული ფართობი;
ბ) უზრუნველყოს სველი წერტილების სისუფთავე:
გ) თვალ-ყური ადევნოს სკოლის ქონების დაცვას;
დ) დაასუფთავოს სკოლის ეზო და შიდა ტერიტორია.
ე) საკლასო ოთახები და კლას-კაბინეტები მოამარაგოს სასმელი წყლით;
11. სკოლის ღამის დარაჯი ვალდებულია:
ა) უზრუნველყოს წესრიგი სკოლის მთელ პერიმეტრზე საღამოს 17 საათიდან დილის 9 საათამდე; დასვენების დღეებში 24 საათის განმავლობში;
ბ) დაიცვას სკოლის შენობა და ტერიტორია დაზიანება-განადგურებისა და ქურდობისაგან;
გ) სკოლის პასუხისმგებელ პირთან აწარმოოს გადაბარების ჟურნალი, დასვენების დღეებში გადაბარება მოახდინოს შემცვლელთან;
დ) ანგარიშვალდებულია სკოლის დირექტორის წინაშე.

სასკოლო დოკუმენტაცია:
1. კანცელარია
ა) საგანმანათლებლო დაწესებულების წესდება;
ბ) მოწმობა სახელმწიფო რეგისტრაციის შესახებ;
გ) ლიცენზია საგანმანათლებლო საქმიანობაზე;
დ) ხელშეკრულება შენობაში განთავსების შესახებ;
ე) შრომითი ხელშეკრულებები; ხელშეკრულებების აღრიცხვის ჟურნალი;
ვ) ანბანური წიგნი;
ზ) სკოლის დირექტორის ბრძანებები;
თ) მოსწავლის პირადი საქმეები
ი) თანამშრომელთა პირადი საქმეები;
კ) საბაზო და საშუალო სკოლის ზოგადი განათლების ატესტატების გაცემის აღრიცხვის წიგნი;
ლ) პედაგოგიური საბჭოს ოქმები და მათი აღრიცხვის წიგნი.
მ) სკოლის დამფუძნებელთა ოქმების აღრიცხვის წიგნი
ნ) შემოსული და გასული კორესპონდენციები და მათი რეგისტრაციის ჟურნალები
ო) ეროვნული სასწავლო გეგმა;
პ) სასკოლო სასწავლო გეგმა;
ჟ) სკოლის შინაგანაწესი;
რ) სკოლის განვითარების სტრატეგიული გეგმა;
ს) მოსწავლის შეფასების წიგნი
ტ) საკლასო ჟურნალი.
უ) საქმის წარმოების წესი
ფ) ბიბლიოთეკის წარმოების წესი
2. საბუღალტრო დოკუმენტაცია:
ა) ხელშეკრულებები და მათი აღრიცხვის წიგნი;
ბ) დოკუმენტები საფინანსო-საბუღალტრო ანგარიშის შესახებ.
გ) საინვენტარო აღწერის ჟურნალი;
დ) სახელფასო უწყისები.
მუხლი 4. სასწავლო- საარმზრდელო პროცესის ორგანიზაცია.
1. სასწავლო-სააღმზრდელო პროცესი მიმდინარეობს ე. ს. გ. და სასკოლო სასწავლო გეგმის შესაბამისად.
2. სასწავლო პროცესი წარიმართება შემდეგი რეჟიმით:
I გაკ. ---------------9. 00---9. 45 სთ.
II გაკ. --------------9. 50--10. 35 სთ
III გაკ. --------------10. 40—11. 25 სთ
IV გაკ. --------------11. 40---12. 25 სთ
V გაკ. ---------------12. 30---13. 15 სთ
VI გაკ. ---------------13. 20---14. 05 სთ
VII გაკ---------------14. 10---14. 55 სთ
მუხლი 5. სკოლის დაკომპლექტების წესი.
1. სკოლაში ჩასარიცხად მოსწავლეებს მოეთხოვება:
ა) მშობლის განცხადება
ბ) პირადი საქმე;
გ) დაბადების მოწმობის დედანი ან ასლი ნოტარიუსით დამტკიცებული;
დ) პირადობის მოწმობის ასლი
ე) მიმდინარე შეფასება (თუ მოსწავლე გადმოდის სკოლაში სხვა საჯარო ან კერძო დაწესებულებიდან სემესტრის დასრულებამდე ) და I სემესტრის ნიშნები (თუ მოსწავლე სკოლაში გადმოდის I სემესტრის დასრულების შემდეგ)
2. მოსწავლის სიიდან ამორიცხვა ხდება:
ა) მშობლის განცხადების საფუძველზე;
ბ) შინაგანაწესით დამტკიცებულ შემთხვევაში;
გ) მოსწავლეთა სიიდან ამორიცხვის შემთხვევაში დირექტორი გამოსცემს ბრძანებას.
3. მოსწავლეთა კლასიდან კლასში გადაყვანა ხდება სასკოლო სასწავლო გეგმაში დადგენილი წესით.
4. სკოლის დამთავრების შემდეგ კურსდამთავრებული მიიღებს საშუალო განათლების ატესტატს მოქმედი კანონმდებლობის შესაბამისად.

თავი 3. სასკოლო პროცესში მონაწილეთა უფლება- მოვალეობები
მუხლი 6. მოსწავლეთა უფლებები და მოვალეობები.
1. სკოლის მოსწავლეს უფლება აქვს:
ა) მიიღოს განთლება მისთვის მისაღები და კანონით დადგენილი წესით;
ბ) მიიღოს ინფორმაცია მასწავლებლისგან საკუთარი აკადემიური მოსწრებისა და დისციპლინის შესახებ;
გ) ისარგებლოს სკოლის ქონებით განათლების მიღების მიზნით,შინაგანაწესის განზაზღვრული ფორმით;
დ) თავისუფლად გამოთქვას აზრი და სურვილისამებრ მიიღოს მონაწილეობა სასკოლო ცხოვრებაში და სხვადასხვა ღონისძიებებში;
ე) მოითხოვოს ნებისმიერი საკითხის განხილვა კლასის მშობელთა კრებაზე,პედ. საბჭოს სხდომაზე და დაესწროს საკითხის განხილვას;
ვ) დაცული იყოს ყველა ფორმის ფიზიკური და ფსიქოლოგიური ზეწოლისაგან; გააპროტესტოს მის მიმართ უსამართლო მოპყრობა.
ზ) ჯანმრთელობის მდგომარეობის გაუარესებისა და სხვა საპატიო მიზეზით გაკვეთილების გაცდენის შემთხვევაში, მოითხოვოს დამატებითი სამუშაო დრო გაცდენილი მასალის ჩასათვლელად.
2. მოსწავლე ვალდებულია:
ა) ყოველდღიურად მზად იყოს გაკვეთლილისათვის და იაქტიუროს გაკვეთილზე;
ბ) პატივისცემით მოექცეს ამხანაგებს და უფროსებს;იყოს ზრდილობიანი და დაიცვას ჰიგიენური მოთხოვნები;
გ) შეასრულოს მის მიმართ კანონიერი მოთხოვნა დაიცვას შინაგანაწესი და მოსწავლეთა ქცევის კოდექსი.
დ) ატაროს სასწავლო ნივთები; გაუფრთხილდეს სკოლის და ამხანაგების ქონებას.
ე) სკოლაში არ შემოიტანოს რაიმე სახის იარაღი ან ისეთი ბასრი ნივთები, რომლებიც შეიძლება გამოყენებულ იქნას იარაღად, სანთებელა ან ასანთი, ალკოჰოლური სასმელები,ძვირადღირებული ნივთები ან დიდი ოდენობის ფული, აზარტული თამაშის საშუალებები, უხამსობის ამსახველი ნივთები, ნარკოტიკული საშუალებები, ასაფეთქებელი ან მომწამლავი ნივთიერებები, რაიმე სახის წამალი სკოლის ექთნის ნებართვის გარეშე; არ მოიხმაროს მობილური ტელეფონი სასწავლო პროცესის დროს.
ვ) გაკვეთილების გაცდენის შემთხვევაში წარმოადგინოს ჯანმრთელობის ცნობა ან მშობლის განცხადება. (წინააღმდეგ შემთხვევაში გაცდენილი საათები ჩაეთვლება არასაპატიოდ)
მუხლი 7. მასწავლებლის უფლება-მოვალეობები
1. მასწავლებელს უფლება აქვს:
ა) ისარგებლოს სკოლის ქონებით საკუთარი პროფესიული მოვალეობის აღსასრულებლად შინაგანაწესით განსაზღვრული ფორმით.
ბ) მიიღოს ინფორმაცია მართვის ორგანოებისაგან სკოლის ფუნქციონირების ნებისმიერ საკითხზე;
გ) აირჩიოს სწავლების და აღზრდის მეთოდები,მეცადინეობის ფორმები და საშუალებები;
დ) დასაჯოს მოსწავლე კანონით გათვალისწინებული შემთხვევაში;
ე) სკოლაში გამოიძახოს მშობელი სწავლა-სწავლების საკითხებთან დაკავშირებით;
ვ) დასვას საკითხი მოსწავლის დასჯა-წახალისების შესახებ;
ზ) მონაწილეობა მიიღოს სკოლის მართვაში, სასკოლო ცხოვრებაში;
თ) მოითხოვოს საგანმანათლებლო პროცესთან დაკავშირებული ნებისმიერი საკითხის განხილვა კათედრის ან პედ. საბჭოს სხდომაზე;
ი) გამოიყენოს კონსტიტუციით მინიჭებული უფლებები.
2. მასწავლებელი ვალდებულია:
ა) ყოველთვის მზად იყოს გაკვეთილისათვის;
ბ) საგნის სწავლებასთან ერთად იზრუნოს მოსწავლის სულიერი სამყაროს ჩამოყალიბებაზე;
გ) დაიცვას ეთიკის ნორმები,იყოს მოწესრიგებული;
დ) შეასრულოს შინაგანაწესითა და ხელშეკრულებით გათვალისწინებული მოთხოვნები;
ე) იზრუნოს კვალიფიკაციის ამაღლებაზე;
ვ) გაიაროს სერტიფიცირება, ატესტაცია, განათლებისა და მეცნიერების სამინისტროს მიერ დადგენილი წესით;
ზ) გაუფრთხილდეს სკოლის ქონებას, ზიანის შემთხვევაში აანაზღაუროს დანაკლისი;
თ) აწარმოოს სამუშაოს აღრიცხვა (პორტფოლიო) .
მუხლი 8. მშობელთა უფლება-მოვალეობები.
1. მშობელს უფლება აქვს:
ა) მოითხოვოს სასწავლო პროცესის მონაწილეებისაგან მათზე დაკისრებული მოვალეობების შესრულება;
ბ) მიიღოს ინფორმაცია სკოლის ადმინისტრაციისა და მასწავლებლებისაგან სკოლის ფუნქციონირების ნებისმიერ საკითხზე.
გ) მიიღოს მონაწილეობა სასკოლო ცხოვრებაში სურვილისამებრ.
დ) სასწავლო წლის დაწყებამდე 10 დღით ადრე მიიღოს ინფორმაცია მისი შვილისა-თვის შესაძენი სასკოლო სახელმძღვანელოების შესახებ.

2. მშობელი ვალდებულია:
ა) უზრუნველყოს შვილისთვის სწავლისა და აღზრდის ნორმალური პირობების შექმნა;
ბ) შეასრულოს სკოლის შინაგანაწესით დაკისრებული მოვალეობები და მოსწავლის კანონიერი მოთხოვნები;
გ) გამოცხადდეს სკოლაში და გააკონტროლოს თავისი შვილი ;
დ) აანაზღაუროს მისი შვილის მიერ სკოლისათვის მიყენებული ზარალი;
ე) დაიცვას ეთიკის ნორმები.

თავი 4. სამუშაო დრო და მისი ორგანიზება
მუხლი 9. სამუშაო და დასვენების დრო
1. სამუშაო დრო წარმოადგენს კალენდარული დროის ნაწილს, რომლის განმავლობაშიც მომსახურე ვალდებულია განახორციელოს თავის სამართლებრივი უფლება-მოვალე-ობები.
2. სამუშაო წლიური კალენდარი ასახულია სასკოლო სასწავლო გეგმაში. კალენდარს ამტკიცებს პედ. საბჭო.
3. სკოლაში დაწესებულია 5 დღიანი(ორშაბათი, სამშბათი, ოთხშაბათი, ხუთშაბათი, პარასკევი) სამუშაო დღე. დასვენების დღეებია შაბათი და კვირა. ასევე სასკოლო კალენდარით გათვალისწინებულია დასვენების დღეები.
4. საჭიროების შემთხვევაში სასწავლო-სააღმზრდელო მუშაობისათვის შეიძლება გამოყენებულ იქნას შაბათი დღე, რაზედაც დირექტორი წინასწარ გამოსცემს ბრძანებას.

მუხლი 10. თანამშრომელთა სამუშაოზე გამოცხადების და გათავისუფლების წესი.
1. სამუშაოზე გამოცხადება სისტემატურად აღირიცხება ადმინისტრაციის მიერ.
2. სამუშაოზე დაგვიანება ან გაცდენა საპატიოდ ჩაითვლება, თუ სკოლის დირექცია დააკმაყოფილებს თანამშრომლის განცხადებას (სიტყვიერს ან წერილობითს) .
3. თანამშრომელი გაკვეთილის არასაპატიო გაცდენის ან დაგვიანების შემთხვევაში პასუხს აგებს შინაგანაწესით განსაზღვრული წესის შესაბამისად.
4. ნებისმიერი გაცდენის შემთხვევაში (საპატიო/არასაპატიო) თანამშრომელს დაექვითება ხელფასი და შესაბამისი ანაზღაურება მიეცემა შემცვლელს;
თავი 5. სტიმულირების და პასუხისმგებლობის ფორმა.
მუხლი 11. მოსწავლეთა სტიმულირების ფორმები.
1. მოსწავლე წახალისდება:
ა) მაღალი აკადემიური მოსწრებისათვის; ოლიმპიადებში გამარჯვებისათვის;
ბ) სასკოლო ცხოვრებაში მნიშვნელოვანი წვლილის შეტანისათვის;
გ) განსაკუტრებული ინიციატივისათვის, რაც გამოიწვევს კლასის, სკოლის ავტორიტეტის ამაღლებას;
2. წახალისების ფორმებია:
ა) მადლობის გამოცხადება
ბ) სიგელი;
გ) ფასიანი საჩუქარი;
დ) ფულადი ჯილდო;
3. მოსწავლის წახალისების შესახებ წინადადება შეიძლება დააყენოს მოსწავლემ, მასწავლებელმა, ადმინისტრაციამ. ბრძანებას გამოსცემს დირექტორი.
4. განსაკუთრებულ შემთხვევაში შეიძლება დაჯილდოვდეს მშობელი. გადაწყვეტილებას იღებს პედ. საბჭო.

მუხლი 12. მასწავლებლის სტიმულირების ფორმები.
1. მასწავლებელი წახალისდება:
ა) საგანში განსაკუთრებით მაღალი შედეგებისათვის.
ბ) კონფერენციებში, კონკურსებში, ოლიმპიადებში მნიშვნელოვანი წარმატებისათვის.
2. მასწავლებლის წახალისების ფორმები:
ა) მადლობის გამოცხადება პირად საქმეში;
ბ) ფასიანი საჩუქარი;
გ) პრემია
3. მასწავლებლის წახალისების საკითხი შეიძლება დააყენოს მოსწავლემ, მასწავლებელმა, მშობელმა, კათედრამ, პედ. საბჭომ, ადმინისტრაციამ. ბრძანებას გამოსცემს დირექტორი.

მუხლი 13. პასუხისმგებლობის ფორმები და მისი დაკისრების წესი.
• სკოლასა და თანამშრომელს, მოსწავლეს, მშობელს შორის სადავო საკითხები განიხილება საქართველოს შრომის კოდექსით დადგენილი წესით
I. მოსწავლის მიერ ქცევის კოდექსის, სკოლის შინაგანაწესის დარღვევისა და სკოლის თანამშრომლების დაუმორჩილებლობის შემთხვევაში, შინაგანაწესი ითვალისწინებს შემდეგ დისციპლინარულ ზომებს:
ა) მშობელთან დაკავშირება და თათბირი:
გულისხმობს რაიმე ინცინდენტისთანავე კლასის დამრიგებლის დაკავშირებას მოსწავლის მშობელთან, მასთან გასაუბრებას და შესაბამისი ოფიციალური ჩანაწერის გაფორმებას კლასის დამრიგებლის ჟურნალში, რაც დასტურდება მშობლის ხელმოწერით:
ბ) დირექტორთან გასაუბრება;
გულისხმობს მოსწავლის შეხვედრას დირექტორთან;
გ) გამოსაცდელი ვადის დაწესება:
გულისხმობს არასათანადო ქცევის შემთხვევაში, მოსწავლისათვის გამოსაცდელი ვადის დაწესებას , დამრიგებლისა და მშობლის მკაცრი ზედამხედველობის ქვეშ ყოფნას.
• დისციპლინარული სასჯელის ფორმებია:
o გაფრთხილება; საყვედური; სასტიკი საყვედური

1.1 გაფრთხილება შეიძლება მიეცეს:
ა) დისციპლინის მსუბუქი დარღვევისათვის;
ბ) უსაფრთხოების წესების მსუბუქი დარღვევისათვის;
გ) ამხანაგის სიტყვიერი შეურაცხყოფისათვის;
დ) ხუთამდე დაგვიანებისათვის;
ე) გაკვეთილების არასაპატიო გაცდენის ორ შემთხვევაზე;
ვ) სწავლისადმი ზერელე დამოკიდებულებისათვის;
ზ) სასკოლო პროცესის ხელის შეშლისათვის; სასჯელის ვადაა 3 თვე.
1.2 საყვედური შეიძლება გამოეცხადოს:
ა) გაფრთხილების გამეორებით მიღებისას;
ბ) დისციპლინის დარღვევისთვის;
გ) უსაფრთხოების წესების დარღვევისათვის;
დ) ამხანაგის ფიზიკური შეურაცხყოფისათვის;
ე) უფროსების სიტყვიერი შეურაცხყოფისათვის;
ვ) 3-დან 5-მდე არასაპ. მიზეზით გაკ. გაცდენისათვის;
ზ) საგანმანთლებლო პროცესის ჩაშლის მცდელობისათვის. სასჯელის ვადაა 6 თვე.
1.3 სასტიკი საყვედური შეიძლება გამოეცხადოს:
ა) საყვედურის გამეორების შემთხვევაში;
ბ) უფროსის უხეშად მოპყრობისათვის;
გ) ამხანაგის ფიზიკური შეურაცხყოფის გამო;
დ) საგანმანათლებლო პროცესის ჩაშლისთვის. სასჯელის ვადაა 1 წელი.
1.4 მოსწავლის დისციპლინარული დასჯის შესახებ საკითხი შეიძლება დააყენოს მოსწავლემ, მასწავლებელმა, ადმინისტრაციამ. ბრძანებას გამოსცემს დირექტორი.
1.5 დისციპლინარული სასჯელის მოხსნა ხდება:
ა) მოსწავლის მხრიდან ისეთი საქციელის შემდეგ ,რაც იმსახურებს წახალისებას:
ბ) სასჯელის ვადის გასვლის შემდეგ.
1.6 დაუშვებელია დისციპლინარული სასჯელის მოხსნის შემდეგ სასჯელის არსებობის ფაქტის შეხსენება მოსწავლისათვის.
2. მასწავლებლის მიმართ შეიძლება გამოყენებულ იქნას ადმინისტრაციული სასჯელის შემდეგი ფორმები:
2.1 გაფრთხილება შეიძლება მიეცეს:
ა) 5-მდე დაგვიანებისათვის;
ბ) გაკვეთილის არასაპატიო გაცდენის გამო;
სასჯელის ვადაა 6 თვე
2.2 საყვედური შეიძლება გამოეცხადოს;
ა) სასკოლო დოკუმენტაციაში შეცდომების დაშვების გამო;
ბ) გაფრთხილების გამეორების შემთხვევაში;
გ) მოსწავლის შეურაცხყოფისათვის;
სასჯელის ვადაა 1 წელი
2.3 შეუწყდეს შრომითი ხელშეკრულება:
ა) მოსწავლეთა დაბალი აკადემიური მოსწრების მაჩვენებლების გამო;
ბ) შინაგანაწესის დარღვევისათვის;
გ) ხელშეკრულების რომელიმე პუნქტის დარღვევის გამო;
დ) მასწავლებლის ეთიკური ნორმების დარღვევისათვის;
ე) საყვედურის გამეორებისას;
ვ) მოსწავლეთა შეურცხყოფისათვის;
ზ) სკოლის მატერიალური ზიანის მიყენებისათვის, ზიანის ანაზღაურებით.
თავი 6. სკოლის დაფინანსება.
1. სკოლის დაფინანსების წყაროებია:
ა) მოსწავლის ვაუჩერი
ბ) სწავლისათვის დაწესებული გადასახადია თვეში: VII-VIII-IX კლ. - 50 ლარ
ToP სიახლე
გამოკითხვა
რითი სარგებლობთ ჩვენს საიტზე?
ინფორმაციით
ჩვენი facebook-ით
ელ ჟურნალით
ალბომით